Jinsi Inavyofanya Kazi

Tekeleza VPN yako mwenyewe na udhibiti trafiki yako ya intaneti

Outline huboresha muundo wa VPN za asili kwa kufanya iwe rahisi kwa mtu yeyote kubuni VPN yake mwenyewe.

VPN za Asili

Mara nyingi, ni rahisi kuzuia VPN za asili kwa sababu zinatambulika kwa urahisi.

Unapotumia VPN, trafiki yako haikutambulishi, lakini itifaki fulani za usalama zinazotumiwa na VPN maarufu hutumia sahihi za kipekee za kriptografia ambazo zinaweza kutambuliwa na kuzuiwa kwa urahisi.

Unapounganisha kifaa chako kwenye VPN ya asili, trafiki yako inaweza kutambuliwa kwa urahisi kwa sababu ukubwa wa trafiki sawa huifanya rahisi kupata na kuzuia seva.

Outline

Outline hufanya kazi wakati VPN nyingine zimezuiwa na haiwezi kuathiriwa na mbinu changamano za kuweka vizuizi kama vile uzuiaji kwenye mtandao au uzuiaji wa IP.

Outline ni thabiti zaidi kwa sababu imetengenezwa kwa kutumia itifaki ambayo imebuniwa hivi kwamba ni vigumu kuitambua na hivyo ni vigumu kuizuia.

Shiriki kwa faragha idhini ya kufikia seva yako na kikundi cha watu unaowaamini. Idadi ndogo ya watu waliounganisha kwenye seva yako inamaanisha kuwa ni vigumu zaidi kuitambua na rahisi kuwa ya faragha.

Outline ilibuniwa kwa kuzingatia faragha yako.

Kamwe haihifadhi kumbukumbu ya trafiki yako wala kufuatilia matumizi yako ya intaneti.

Pata Maelezo Kuhusu Jinsi Watu Binafsi na Mashirika Yanavyotumia Outline

Mpe mtu yeyote idhini ya kufikia seva yako kwa urahisi

Code for Africa

Code for Africa ni mojawapo ya mashirika makubwa zaidi ya raia barani Afrika. Wametumia Outline tangu mwaka wa 2016 na kwa sasa wanasaidia mamia ya watumiaji. Timu hiyo ya wanateknolojia na wanaharakati huendesha warsha za mafunzo dijitali kote Afrika na kumpa mtu yeyote anayehitaji kufikia intaneti wazi idhini ya kufikia seva zao za Outline. Pata maelezo zaidi kuhusu kazi yao hapa.

Pata Maelezo Zaidi

Teknolojia ya Programu Huria Hukupa Uhuru wa Kubadilisha Outline Upendavyo

nthLink

nthLink ni programu ya vifaa vya mkononi iliyobuniwa kwa kutumia teknolojia ya Outline ambayo inawawezesha watumiaji kufikia intaneti wazi kwa njia salama. nthLink hutekeleza huduma yao ya ukwepaji kwenye mbinu ya usafirishaji iliyopo ya Outline, huku ikitumia msimbo wa programu huria wa Outline kubuni hali maalum ya kutumia bidhaa. nthLink hutegemea vipengele vya Outline kama vile usimbaji fiche madhubuti, kasi ya juu ya muunganisho na sifa za mifumo mbalimbali kusaidia watumiaji wake. Pata maelezo zaidi kuhusu kampuni hiyo hapa.

Pata Maelezo Zaidi

Ni Salama Kutumia na Vigumu Kuzuiwa Ikilinganishwa na VPN za Asili

Mchunguzi Mkuu wa Sudan

Maandamano yaliyotanda yalipoanza nchini Sudan, serikali ilizuia tovuti za mitandao jamii ili kujaribu kupunguza maandamano na kuwazuia waandamanaji wasiwasiliane na wenzao na walio maeneo mengine ya ulimwengu. Mwanaharakati mmoja aliyejiita Mchunguzi Mkuu wa Sudan alitumia Outline kufikia mitandao jamii na kuwasiliana na wanahabari wa kimataifa. VPN nyingine zilipokataa kufanya kazi au kuzuiwa, wanaharakati fulani nchini Sudan walitumia Outline kushiriki taarifa kuhusu maandamano na maeneo mengine ya ulimwengu na kuangazia hali halisi ilivyokuwa.

Hujapata unachotafuta?

Angalia ukurasa wetu wa usaidizi.

Maswali Yanayoulizwa Sana Kuhusu Outline

Outline Manager haipatikani kwenye vifaa vya mkononi.

Kwa sasa Outline Manager inapatikana kama programu ya kompyuta za mezani. Tafadhali tembelea getoutline.org ili uipakue kupitia kompyuta ya mezani.