Uwezo wa kufikia Intaneti wazi na huria
Outline hufanya iwe rahisi kuunda seva ya VPN. Hali hii humpa mtu yeyote uwezo wa kufikia intaneti wazi na huria.
Jipatie OutlineUdhibiti wa intaneti umekuwa ukiongezeka kwa kasi katika mwongo uliopita.
Outline humwezesha mtu yeyote kufikia intaneti wazi na huria kwa njia salama zaidi kwa kutekeleza VPN yake mwenyewe. Hatua ya kutekeleza seva yako mwenyewe ya VPN kupitia Outline hukuwezesha kufikia intaneti kwa njia salama zaidi na kufanya muunganisho ambao hauwezi kuzuiwa kwa urahisi.
Kwa nini utumie VPN?
VPN ni muhimu kwa sababu zinahakikisha mawasiliano yako ni ya faragha na hukuwezesha kuendelea kufikia intaneti wazi. Lakini kwenye huduma nyingi za VPN, wakati mwingine ni vigumu kujua ni nani anayedhibiti VPN na ni nani anaweza kufikia data yako.
Mchakato wa kuunda seva yako mwenyewe ya VPN ulikuwa changamano—lakini sasa umerahisishwa.
Kwa nini uchague Outline?
Outline humruhusu mtu yeyote kubuni, kutekeleza na kushiriki idhini ya kufikia VPN yake mwenyewe. Outline imetengenezwa hivi kwamba haiwezi kuzuiwa. Inakuwezesha kudhibiti mipangilio ya seva yako, ikiwa ni pamoja na mahali ilipo. Outline hutumia teknolojia bayana, ni programu huria kabisa na imekaguliwa na kampuni mbili za usalama ili kuhakikisha kuwa teknolojia yake ni ya kisasa na salama.
Haiwezi Kuzuiwa
Outline haiwezi kuathiriwa na baadhi ya mbinu changamano zaidi za uzuiaji ikiwa ni pamoja na uzuiaji wa DNS, maudhui na IP. Watumiaji wameripoti kuwa Outline hufanya kazi hata wakati VPN nyingine maarufu zimezuiwa au kushindwa kuunganisha.
Kipimo
Shiriki idhini ya kufikia seva yako ya Outline kwa urahisi moja kwa moja kwenye Outline manager. Unda funguo za kipekee kutoka kwenye programu ya Outline Manager ya kompyuta za mezani na uzishiriki na watu unaowaamini kupitia barua pepe au mitandao jamii. Ukitumia Outline, unaweza kuwapa mamia ya watumiaji idhini ya kufikia seva yako, au ushiriki idhini ya kufikia na watu wako wa karibu tu.
Udhibiti
Outline hukupa udhibiti wa jinsi unavyofikia intaneti kwa kukupa udhibiti wa seva yako mwenyewe. Inakuwezesha kuamua mahali seva yako ilipo na wanaoweza kuifikia. Outline Manager hukuwezesha kuweka kikomo cha data cha kila mtumiaji anayefikia seva yako kupitia Programu Teja.
Bidhaa Mbili Zinazoshirikiana
Outline inajumuisha bidhaa mbili ambazo zinaendeshwa na teknolojia yetu ya msingi ya kisasa kupitia Outline SDK.
Outline Manager hufanya iwe rahisi kuunda seva yako mwenyewe ya VPN. Weka mipangilio ya seva yako mwenyewe na ushiriki funguo moja kwa moja kwenye programu ya kompyuta za mezani. Outline Manager inapatikana kwenye mifumo yote ya kompyuta za mezani.
Programu ya Outline ni programu rahisi kutumia ambayo inakuwezesha kushiriki idhini ya kufikia VPN yako na mtu yeyote kwenye mtandao wako. Pakua programu hiyo kwenye kifaa cha mkononi au kompyuta ya mezani ili ulinde vifaa vyako vyote. Unganisha kwenye seva yako kwa kutumia ufunguo wako wa kipekee, uliozalishwa na Outline Manager.
Gundua maktaba ya mifumo mbalimbali na mkusanyiko wa zana zinazotumia mikakati ya kina ya Outline ya kuboresha mtandao ili kulinda programu zako na zana za VPN dhidi ya ukatizaji wa kiwango cha mtandao.
AnzaIntaneti ya Kuaminika
Outline ni programu huria na ilikaguliwa na Radically Open Security (2018, 2022) na Cure53 (2018, 2024).
Tovuti ya getoutline.me na chaneli ya Telegram inayohusika ya "@OutlineVpnOfficial" hazihusiani na timu ya Outline na hatuwezi kuwasaidia watumiaji wanaokabiliwa na matatizo ya funguo kutoka kwenye huduma hizi.
Outline Manager haipatikani kwenye vifaa vya mkononi.
Kwa sasa Outline Manager inapatikana kama programu ya kompyuta za mezani. Tafadhali tembelea getoutline.org ili uipakue kupitia kompyuta ya mezani.
funga