Pyetjet e shpeshta

Jo, Outline nuk është një rrjet VPN. Ai lejon që çdo person të konfigurojë dhe të menaxhojë serverin e vet privat të rrjetit VPN.

• Outline përdor një protokoll unik dhe pa ndërlidhje që është i vështirë për t'u identifikuar, ndryshe nga protokollet standarde të rrjetit VPN që mund të identifikohen dhe të bllokohen me lehtësi.
• Shpërndarja private e qasjes. Ndryshe nga rrjetet publike VPN, ku një censurues mund të ketë qasje dhe të listojë me lehtësi serverët që duhet të bllokojë.
• Me Outline është e lehtë ta rikrijosh një server nëse ai bllokohet.

Çelësat e qasjes mund të krijohen vetëm nga Outline Manager. Kontakto me dikë që e njeh që ka konfiguruar një server duke përdorur Outline Manager ose konfiguro serverin tënd dhe dërgoji vetes një çelës qasjeje.

Outline është audituar nga dy kompani të pavarura të fushës së sigurisë. Lexo raportet e tyre këtu: Radically Open Security (mars 2018, dhjetor 2022), Cure53 (dhjetor 2018, janar 2024).

Outline nuk mbledh informacione personale përveçse nëse zgjedh t'i japësh ato. Outline nuk mbledh as informacione për sajtet e uebit që viziton ti apo se me kë dhe çfarë komunikon ti. Për të lexuar më shumë në lidhje me të dhënat që mbledhim, shiko këtë artikull të mbështetjes.

Nëse krijon ose identifikohesh në një llogari me një ofrues të shërbimit të resë kompjuterike nëpërmjet Outline Manager, ne nuk i marrim informacionet që ti i jep ofruesit të shërbimit të resë kompjuterike, si p.sh. adresën e email-it, emrin tënd, informacionet e faturimit dhe detajet e pagesës.

Zgjidh ofruesin tënd të shërbimit të resë kompjuterike bazuar në buxhetin dhe nevojat e tua specifike. Google dhe Amazon Web Services janë të dy emra të besuar. Digital Ocean ofron disa nga planet më pak të kushtueshme mujore dhe shumë përdorues raportojnë se është më i thjeshti për sa i përket konfigurimit.

Mund t'i ndash çelësat e qasjes drejtpërdrejt nga Outline Manager. Klikimi te thirrja për veprim "Ndaj çelësin e qasjes" do të shfaqë një ftesë me një mesazh të mbushur automatikisht që i jep marrësit udhëzime se si të pranojë çelësin, të shkarkojë klientin dhe të lidhet me serverin tënd të Outline. Duhet të dish adresën e email-it ose numrin e telefonit të marrësit për t'i dërguar atij një çelës qasjeje dhe udhëzimet për lidhjen.

Në shumë rrjete falas VPN, ti nuk e di se kush ka qasje te të dhënat e tua. Shumë rrjete falas VPN i shesin ose i ndajnë të dhënat e tua ose monitorojnë aktivitetin tënd në linjë. Disa ekspertë të sigurisë pretendojnë se shumë rrjete të njohura falas VPN lejojnë qasje të tipit "backdoor" për qeveritë dhe monitorues të tjerë. Shumica e rrjeteve falas VPN janë po ashtu të cenueshëm nga bllokimi dhe zbulimi.

Ndërkohë që Outline është me burim të hapur dhe mund të përdoret falas, marka jonë zotërohet nga Jigsaw dhe nuk duhet të keqpërdoret. Lexo dhe ndiq këtë udhëzues përdorimi për t'u siguruar që të shmangësh pretendimet ndoshta çorientuese ose karakterizimin e pasaktë të marrëdhënies sate me Outline ose me Jigsaw dhe që të përdorësh si duhet elementet e miratuara për markën.