Qasje në internetin e lirë dhe të hapur

Outline e bën të lehtë të krijosh një server të rrjetit VPN, duke i dhënë kujtdo qasje në internetin e lirë dhe të hapur.

Merr Outline

Censura në internet është rritur gradualisht në dekadën e fundit.

Outline bën të mundur që çdo person të ketë qasje më të sigurt në internetin e lirë dhe të hapur duke ekzekutuar rrjetin e vet VPN. Ekzekutimi i serverit tënd të rrjetit VPN nëpërmjet Outline e bën më të sigurt qasjen në internet dhe krijon një lidhje që është më e vështirë për t'u bllokuar.

Pse të përdorësh një rrjet VPN?

Rrjetet VPN janë të dobishme për t'i mbajtur komunikimet e tua private dhe për të të lejuar të kesh qasje në internetin e hapur. Por, me shumicën e ofruesve të rrjeteve VPN, ti nuk e di gjithmonë se kush e kontrollon rrjetin VPN dhe se kush ka qasje te të dhënat e tua.

Krijimi i serverit tënd të rrjetit VPN ka qenë një proces i ndërlikuar - deri tani.

Mëso më shumë

Pse Outline?

Outline lejon çdo person të krijojë, të ekzekutojë dhe të ndajë qasjen në rrjetin e vet VPN. Outline është projektuar të jetë rezistent ndaj bllokimit. Ai të lejon të kontrollosh konfigurimin e serverit, duke përfshirë se ku ndodhet serveri yt. Outline përdor një teknologji transparente, është plotësisht me burim të hapur dhe është audituar nga dy kompani sigurie për t'u siguruar që teknologjia e tij të mbetet e sigurt dhe e nivelit më të lartë.

Rezistent ndaj bllokimit

Outline është rezistent ndaj disa prej formave më të sofistikuara të bllokimit, duke përfshirë bllokimin e DNS-së, të përmbajtjes dhe të IP-së. Përdoruesit raportojnë se Outline funksionon edhe kur rrjetet e tjera të njohura VPN bllokohen ose nuk arrijnë të lidhen.

Shkalla

Ndaj me lehtësi qasjen në serverin tënd të Outline drejtpërdrejt nga Outline Manager. Krijo çelësa unikë të qasjes nga aplikacioni Outline Manager për desktop dhe ndaj me rrjetin tënd të besuar nëpërmjet email-it ose medias sociale. Me Outline, mund të mbështesësh qindra përdorues duke u dhënë atyre qasje në serverin tënd, ose thjesht ndaj qasjen me kontaktet e tua të afërta.

Kontrolli

Outline të jep kontrollin mbi mënyrën se si qasesh në internet duke të të dhënë kontrollin mbi serverin tënd. Ai të lejon të vendosësh se ku ndodhet serveri yt dhe se kush ka qasje në të. Outline Manager të lejon të caktosh kufij të të dhënave për çdo përdorues që qaset në serverin tënd nëpërmjet aplikacionit të klientit.

Dy produkte që punojnë së bashku

Outline përfshin dy produkte që mundësohen nga teknologjia jonë thelbësore e nivelit më të lartë nëpërmjet paketës SDK të Outline.

Outline Manager e bën të lehtë të krijosh serverin tënd të rrjetit VPN. Konfiguro serverin tënd dhe ndaj çelësat e qasjes drejtpërdrejt nga aplikacioni i desktopit. Outline Manager ofrohet në të gjitha sistemet e desktopit.

Klienti i Outline është një aplikacion i thjeshtë dhe i lehtë për t'u përdorur që të lejon të ndash qasjen në VPN-në tënde me çdo person në rrjetin tënd. Shkarkoje aplikacionin në celular ose desktop për të mbrojtur të gjitha pajisjet e tua. Lidhu me serverin tënd duke përdorur një çelës unik të qasjes, të krijuar nga Outline Manager.

Eksploro një bibliotekë për platforma të ndryshme dhe paketën e veglave që shfrytëzojnë strategjitë e përparuara të rrjeteve të Outline për të mbrojtur aplikacionet dhe veglat e VPN-së ndaj ndërhyrjeve në nivel rrjeti.

Interneti që mund t'i besosh

Outline është me burim të hapur dhe është audituar nga Radically Open Security (2018, 2022) dhe Cure53 (2018, 2024).

Uebsajti getoutline.me dhe kanali përkatës në Telegram me emrin "@OutlineVpnOfficial" nuk kanë lidhje me ekipin e Outline dhe ne nuk mund t'i ndihmojmë përdoruesit që kanë probleme me çelësat e qasjes nga këto shërbime.

Outline Manager nuk ofrohet në celular.

Outline Manager ofrohet aktualisht si një aplikacion desktopi. Vizito getoutline.org për ta shkarkuar nëpërmjet desktopit.