မေးလေ့ရှိသော မေးခွန်းများ

Outline သည် VPN မဟုတ်ပါ။ ၎င်းသည် လူတိုင်းအတွက် ကိုယ်ပိုင်သီးသန့် VPN ဆာဗာ စနစ်ထည့်သွင်းခွင့်နှင့် စီမံခန့်ခွဲခွင့် ရရှိစေသည်။

• Outline သည် အလွယ်တကူ ခွဲခြားသတ်မှတ်နိုင်၊ ပိတ်ထားနိုင်သည့် စံ VPN ပရိုတိုကောများနှင့် မတူပါ။ Outline သည် သဘောတူခြင်း မလိုအပ်သော၊ ခွဲခြားသိရှိရန်ခက်ခဲလောက်အောင် ဘာနှင့်မျှမတူသည့် ပရိုတိုကောကို အသုံးပြုသည်။
• အသုံးပြုခွင့်ကို သီးသန့် ဖြန့်ချိသည်။ အများသုံး VPN များနှင့် မတူဘဲ ဆင်ဆာကို အလွယ်တကူဝင်ကြည့်နိုင်ပြီး ပိတ်ဆို့ရန်လိုအပ်သည့် ဆာဗာများစာရင်းကို ဖော်ပြသည်။
• Outline သုံးခြင်းဖြင့် ဆာဗာတစ်ခုကို ပိတ်ထားလိုက်လျှင် ၎င်းကို အလွယ်တကူ ပြန်ပြုလုပ်နိုင်သည်။

အသုံးပြုခွင့်ကီးများကို ‘Outline မန်နေဂျာ’ မှသာ ထုတ်ယူနိုင်သည်။ ‘Outline မန်နေဂျာ’ သုံးပြီး ဆာဗာစနစ်ထည့်သွင်းထားသူထံ ဆက်သွယ်ပါ (သို့) သင့်ကိုယ်ပိုင်ဆာဗာ စနစ်ထည့်သွင်းပြီး ကိုယ့်ကိုယ်ကို အသုံးပြုခွင့်ကီး ပို့ပါ။

Outline ကို သီးခြားလုံခြုံရေး ကုမ္ပဏီနှစ်ခုက စစ်ဆေးထားပါသည်။ ၎င်းတို့၏ အစီရင်ခံစာများကို ဤနေရာတွင်ဖတ်ပါ- Radically Open Security (၂၀၁၈ မတ်၊ ၂၀၂၂ ဒီဇင်ဘာ)၊ Cure53 (၂၀၁၈ ဒီဇင်ဘာ၊ ၂၀၂၄ ဇန်နဝါရီ)။

Outline သည် ကိုယ်ရေးကိုယ်တာ အချက်အလက်များကို ပေးရန် သင်က မရွေးချယ်မချင်း မစုဆောင်းပါ။ Outline သည် သင်ဝင်ကြည့်သော ဝဘ်ဆိုက်များ (သို့) သင်ဆက်သွယ်သူ (သို့) သင်ဆက်သွယ်သည့်အရာတို့နှင့် ပတ်သက်သော အချက်အလက်များကိုလည်း မစုဆောင်းပါ။ ကျွန်ုပ်တို့ စုဆောင်းသောဒေတာအကြောင်း ပိုမိုဖတ်ရှုရန် ဤအကူအညီ ဆောင်းပါးကို ကြည့်ပါ။

‘Outline မန်နေဂျာ’ မှတစ်ဆင့် cloud ဝန်ဆောင်မှုပေးသူ ပါဝင်သော အကောင့်သို့ ဝင်ရောက်နေပါက (သို့) အကောင့်ပြုလုပ်နေပါက ထို cloud ဝန်ဆောင်မှုပေးသူထံ ပေးအပ်ထားသည့် သင်၏အီးမေးလ်လိပ်စာ၊ အမည်၊ ငွေတောင်းခံမှု အချက်အလက်များနှင့် ငွေပေးချေမှု အချက်အလက်များကဲ့သို့ အချက်အလက်မှန်သမျှကို ကျွန်ုပ်တို့ ရယူမည်မဟုတ်ပါ။

သင့်အတွက် သီးသန့်လိုအပ်ချက်များနှင့် အသုံးစရိတ်ပေါ် အခြေခံပြီး သင်၏ cloud ဝန်ဆောင်မှုပေးသူကို ရွေးပါ။ Google နှင့် Amazon ဝဘ် ဝန်ဆောင်မှုများသည် ယုံကြည်စိတ်ချရသူများ ဖြစ်သည်။ Digital Ocean သည် လစဉ်ကြေး ဈေးအသက်သာဆုံး အစီအစဉ်အချို့ကို ကမ်းလှမ်းပြီး အသုံးပြုသူအများအပြားက ၎င်းသည် စနစ်ထည့်သွင်းရန် အလွယ်ကူဆုံးဖြစ်သည်ဟု ဆိုကြသည်။

အသုံးပြုခွင့်ကီးများကို ‘မန်နေဂျာ’ မှ တိုက်ရိုက် မျှဝေနိုင်သည်။ အသုံးပြုခွင့်ကီး မျှဝေရန်ကို နှိပ်ခြင်းဖြင့် လက်ခံသူအား ကီးကိုလက်ခံနည်း၊ ‘ကလိုင်းယင့်’ ဒေါင်းလုဒ်လုပ်နည်းနှင့် သင်၏ Outline ဆာဗာသို့ ချိတ်ဆက်နည်းအကြောင်း လမ်းညွှန်ချက်များပေးသည့် ကြိုတင်ဖြည့်သွင်းထားသော မက်ဆေ့ဂျ်ဖြင့် CTA ပေါ်လာပါမည်။ သင့်လက်ခံသူအား အသုံးပြုခွင့်ကီးနှင့် ချိတ်ဆက်မှု ညွှန်ကြားချက်များ ပို့ရန်အတွက် ၎င်း၏ အီးမေးလ်လိပ်စာ (သို့) ဖုန်းနံပါတ်ကို သိရန်လိုအပ်သည်။

အခမဲ့ VPN အများအပြားတွင် မည်သူက သင့်ဒေတာကိုသုံးခွင့်ရှိကြောင်း မသိပါ။ VPN အများအပြားက သင့်ဒေတာကို မျှဝေခြင်း (သို့) ရောင်းချခြင်းတို့ ပြုလုပ်ပြီး သင်၏အွန်လိုင်း လုပ်ဆောင်ချက်ကို ခြေရာခံသည်။ လူကြိုက်များသော အခမဲ့ VPN အများအပြားသည် အစိုးရများ (သို့) အခြား စောင့်ကြည့်သူများထံသို့ နောက်ကွယ်တွင် ဝင်သုံးခွင့် ပြုထားကြောင်း လုံခြုံရေးကျွမ်းကျင်သူအချို့က ပြောဆိုသည်။ အခမဲ့ VPN အများစုသည် ပိတ်ခြင်းနှင့် ရှာဖွေခြင်းအတွက်လည်း အားနည်းချက်ရှိသည်။

Outline သည် အခမဲ့ရင်းမြစ်ဖြစ်ပြီး အခမဲ့ သုံးနိုင်သော်လည်း ကျွန်ုပ်တို့အမှတ်တံဆိပ်သည် Jigsaw ပိုင် ဖြစ်၍ အလွဲသုံးစားမပြုသင့်ပါ။ သင်သည် Outline (သို့) Jigsaw နှင့် ဆက်ဆံရေးကို မှားယွင်းပုံဖော်သော (သို့) အထင်မြင်မှားစေသော တောင်းဆိုမှုများကို ရှောင်ရှားနိုင်ပြီး အတည်ပြုထားသောအမှတ်တံဆိပ် အစိတ်အပိုင်းများကို မှန်ကန်စွာအသုံးပြုနိုင်ကြောင်း သေချာစေရန် ဤ အသုံးပြုသူအတွက် လမ်းညွှန် ကို ဖတ်ရှုလိုက်နာပါ။