របៀបដែលវាដំណើរការ

ដំណើរការ VPN ផ្ទាល់ខ្លួនរបស់អ្នក និងធ្វើការគ្រប់គ្រងចរាចរណ៍អ៊ីនធឺណិតរបស់អ្នក

Outline ជាការកែលម្អពីលើម៉ូដែល VPN បែបប្រពៃណី ដោយធ្វើឱ្យគ្រប់គ្នាងាយស្រួលបង្កើត VPN ផ្ទាល់ខ្លួនរបស់ពួកគេ។

VPN បែបប្រពៃណី

VPN បែបប្រពៃណីជារឿយៗងាយស្រួលឱ្យគេទប់ស្កាត់ ដោយសារងាយស្រួលចាប់បាន។

នៅពេលអ្នកប្រើប្រាស់ VPN ចរាចរណ៍របស់អ្នកមានលក្ខណៈអនាមិក ប៉ុន្តែប្រូតូកូលសុវត្ថិភាពជាក់លាក់ដែលត្រូវបានប្រើដោយ VPN ពេញនិយម ប្រើប្រាស់ហត្ថលេខាឌីជីថលពិសេស ដែលអាចឱ្យគេកំណត់អត្តសញ្ញាណ និងទប់ស្កាត់បានយ៉ាងងាយស្រួល។

នៅពេលអ្នកភ្ជាប់ឧបករណ៍របស់អ្នកទៅ VPN បែបប្រពៃណី ចរាចរណ៍របស់អ្នកងាយស្រួលឱ្យគេចាប់បាន ដោយសារបរិមាណនៃចរាចរណ៍ដែលស្រដៀងគ្នាធ្វើឱ្យគេងាយស្រួលរកឃើញ និងទប់ស្កាត់ម៉ាស៊ីនមេ។

Outline

Outline ដំណើរការនៅពេល VPN ផ្សេងទៀតត្រូវបានទប់ស្កាត់ ព្រមទាំងធន់នឹងទម្រង់នៃការចាប់ពិរុទ្ធដែលស្មុគស្មាញ ដូចជាការទប់ស្កាត់ផ្អែកតាមបណ្ដាញ ឬការទប់ស្កាត់ IP ជាដើម។

Outline មានលក្ខណៈធន់ជាង ដោយសារវាត្រូវបានបង្កើតឡើងដោយប្រើប្រាស់ប្រូតូកូលដែលត្រូវបានរចនាឱ្យគេពិបាកចាប់បាន ហើយដូច្នេះ កាន់តែពិបាកទប់ស្កាត់។

ចែករំលែកសិទ្ធិចូលប្រើប្រាស់ម៉ាស៊ីនមេរបស់អ្នកជាមួយក្រុមមនុស្សដែលអ្នកទុកចិត្តក្នុងលក្ខណៈឯកជន។ កាលណាមនុស្សកាន់តែតិចភ្ជាប់ទៅម៉ាស៊ីនមេរបស់អ្នក មានន័យថា វាកាន់តែពិបាកឱ្យអ្នកផ្សេងចាប់បាន និងកាន់តែងាយស្រួលបន្តឱ្យមានលក្ខណៈឯកជន។

Outline ត្រូវបានបង្កើតឡើងដោយគិតគូរពីឯកជនភាពរបស់អ្នក។

វាមិនចុះកំណត់ហេតុចរាចរណ៍របស់អ្នក ឬតាមដានការប្រើប្រាស់អ៊ីនធឺណិតរបស់អ្នកសោះឡើយ។

ស្វែងយល់អំពីរបៀបដែលបុគ្គល និងស្ថាប័នប្រើប្រាស់ Outline

ងាយស្រួលចែករំលែកសិទ្ធិចូលប្រើប្រាស់ម៉ាស៊ីនមេរបស់អ្នកជាមួយអ្នកណាក៏បាន

Code for Africa

Code for Africa គឺជាស្ថាប័នសង្គមស៊ីវិលធំបំផុតមួយក្នុងចំណោមស្ថាប័នសង្គមស៊ីវិលធំបំផុតនានានៅអាហ្វ្រិក។ ស្ថាប័ននេះបានប្រើ Outline ចាប់ពីឆ្នាំ 2016 ហើយបច្ចុប្បន្នផ្ដល់ជំនួយដល់អ្នកប្រើប្រាស់រាប់រយនាក់។ ក្រុមការងារដែលរួមមានអ្នកបច្ចេកវិទ្យា និងសកម្មជនធ្វើសិក្ខាសាលាបណ្ដុះបណ្ដាលបែបឌីជីថលនៅទូទាំងអាហ្វ្រិក និងចែករំលែកសិទ្ធិចូលប្រើប្រាស់ម៉ាស៊ីនមេ Outline របស់ពួកគាត់ដល់មនុស្សដែលត្រូវការចូលប្រើប្រាស់អ៊ីនធឺណិតបើកចំហ។ ស្វែងយល់បន្ថែមអំពីការងាររបស់ពួកគាត់ត្រង់នេះ។

ស្វែងយល់បន្ថែម

បច្ចេកវិទ្យាកូដចំហធ្វើឱ្យ Outline អាចប្ដូរតាមបំណងបានផ្អែកតាមតម្រូវការរបស់អ្នក

nthLink

nthLink គឺជាកម្មវិធីឧបករណ៍ចល័តដែលត្រូវបានបង្កើតឡើងដោយផ្អែកតាមបច្ចេកវិទ្យារបស់ Outline ដែលអនុញ្ញាតឱ្យអ្នកប្រើប្រាស់ចូលប្រើប្រាស់អ៊ីនធឺណិតបើកចំហប្រកបដោយសុវត្ថិភាព។ nthLink ដំណើរការសេវារំលងការទប់ស្កាត់ដោយផ្អែកតាមសមាសភាគបញ្ជូនដែលមានស្រាប់របស់ Outline ដោយប្រើប្រាស់កូដប្រភពចំហ ដើម្បីបង្កើតបទពិសោធន៍ប្រើប្រាស់ផលិតផលតាមបំណង។ nthLink ពឹងផ្អែកលើការអ៊ីនគ្រីបខ្លាំងក្លារបស់ Outline, ល្បឿនតភ្ជាប់រហ័ស និងសមត្ថភាពផ្ដល់ជំនួយដល់អ្នកប្រើប្រាស់កម្មវិធីនេះលើប្រព័ន្ធចម្រុះ។ ស្វែងយល់បន្ថែមអំពីក្រុមហ៊ុននៅត្រង់នេះ។

ស្វែងយល់បន្ថែម

មានសុវត្ថិភាពក្នុងការប្រើប្រាស់ និងពិបាកក្នុងការទប់ស្កាត់ជាង VPN បែបប្រពៃណី

មន្ត្រីការិយាល័យប្រជាពលរដ្ឋស៊ូដង់

នៅពេលការធ្វើបាតុកម្មដ៏ទូលំទូលាយបានផ្ទុះឡើងនៅប្រទេសស៊ូដង់ រដ្ឋាភិបាលបានទប់ស្កាត់គេហទំព័របណ្ដាញសង្គម ដើម្បីព្យាយាមបន្ថយការធ្វើបាតុកម្ម និងរារាំងបាតុករមិនឱ្យទាក់ទងគ្នានិងទាក់ទងជាមួយពិភពខាងក្រៅ។ សកម្មជនម្នាក់ដែលហៅខ្លួនគាត់ថាជាមន្ត្រីការិយាល័យប្រជាពលរដ្ឋស៊ូដង់បានប្រើប្រាស់ Outline ដើម្បីទទួលបានសិទ្ធិចូលប្រើប្រាស់បណ្ដាញសង្គម និងដើម្បីទាក់ទងជាមួយអ្នកកាសែតអន្តរជាតិ។ នៅពេល VPN ផ្សេងទៀតដំណើរការមិនបាន ឬត្រូវបានទប់ស្កាត់ សកម្មជនមួយចំនួននៅប្រទេសស៊ូដង់បានប្រើប្រាស់ Outline ដើម្បីចែករំលែកព័ត៌មានអំពីការធ្វើបាតុកម្មជាមួយពិភពខាងក្រៅ និងទាញការចាប់អារមុ្មណ៍ទៅលើការពិតជាក់ស្ដែងនៃស្ថានភាពនៅនឹងកន្លែង។

រកមិនឃើញអ្វីដែលអ្នកកំពុងស្វែងរកមែនទេ?

ពិនិត្យមើលទំព័រជំនួយរបស់អ្នក។

សំណួរដែលសួរញឹកញាប់អំពី Outline

Outline Manager មិនមានផ្ដល់ជូនលើឧបករណ៍ចល័តទេ។

បច្ចុប្បន្ន Outline Manager មានផ្ដល់ជូនជាកម្មវិធីកុំព្យូទ័រ។ សូមចូលទៅកាន់ getoutline.org ដើម្បីទាញយកតាមកុំព្យូទ័រ។

របៀប​ដែល​វា​​ដំណើរការ

ដំណើរការ VPN ផ្ទាល់​ខ្លួន​របស់​អ្នក និង​ធ្វើ​ការគ្រប់គ្រង​ចរាចរណ៍​អ៊ីនធឺណិត​របស់​អ្នក

VPN បែបប្រពៃណី

Outline

ស្វែងយល់​អំពី​របៀប​ដែល​បុគ្គល និង​ស្ថាប័ន​ប្រើប្រាស់ Outline

ងាយស្រួល​ចែក​រំលែក​សិទ្ធិ​ចូល​ប្រើប្រាស់​ម៉ាស៊ីន​មេ​របស់​អ្នក​ជាមួយ​អ្នក​ណា​ក៏​បាន