ការចូលប្រើប្រាស់អ៊ីនធឺណិតដោយសេរី និងបើកចំហ
Outline ធ្វើឱ្យកាន់តែងាយស្រួលក្នុងការបង្កើតម៉ាស៊ីនមេ VPN ដែលផ្ដល់ជូនគ្រប់គ្នានូវសិទ្ធិចូលប្រើប្រាស់អ៊ីនធឺណិតដោយសេរី និងបើកចំហ។
ទាញយក Outlineការចាប់ពិរុទ្ធអ៊ីនធឺណិតបានកំពុងកើនឡើងជាលំដាប់ក្នុងរយៈពេលមួយទសវត្សរ៍ចុងក្រោយនេះ។
Outline បើកឱ្យគ្រប់គ្នាចូលប្រើប្រាស់អ៊ីនធឺណិតដោយសេរី និងបើកចំហក្នុងលក្ខណៈកាន់តែមានសុវត្ថិភាព ដោយដំណើរការ VPN ផ្ទាល់ខ្លួនរបស់ពួកគេ។ ការដំណើរការម៉ាស៊ីនមេ VPN ផ្ទាល់ខ្លួនរបស់អ្នកតាមរយៈ Outline ធ្វើឱ្យការចូលប្រើប្រាស់អ៊ីនធឺណិតកាន់តែមានសុវត្ថិភាព និងបង្កើតការតភ្ជាប់ដែលពិបាកទប់ស្កាត់។
ហេតុអ្វីប្រើ VPN?
VPN មានប្រយោជន៍ក្នុងការរក្សាឱ្យការទាក់ទងគ្នារបស់អ្នកមានលក្ខណៈឯកជន និងអនុញ្ញាតឱ្យអ្នកបន្តចូលប្រើប្រាស់អ៊ីនធឺណិតបើកចំហ។ ប៉ុន្តែជាមួយក្រុមហ៊ុនផ្ដល់សេវា VPN ភាគច្រើន អ្នកមិនតែងតែដឹងថា នរណាគ្រប់គ្រង VPN ហើយនរណាមានសិទ្ធិចូលប្រើប្រាស់ទិន្នន័យរបស់អ្នកនោះទេ។
ការបង្កើតម៉ាស៊ីនមេ VPN ផ្ទាល់ខ្លួនរបស់អ្នកធ្លាប់ជាដំណើរការស្មុគស្មាញមួយ—រហូតមកដល់ឥឡូវ។
ហេតុអ្វីប្រើ Outline?
Outline អនុញ្ញាតឱ្យគ្រប់គ្នាបង្កើត ដំណើរការ និងចែករំលែកសិទ្ធិចូលប្រើប្រាស់ VPN ផ្ទាល់ខ្លួនរបស់ពួកគេ។ Outline ត្រូវបានរចនាឡើងឱ្យធន់នឹងការទប់ស្កាត់។ វាអនុញ្ញាតឱ្យអ្នកគ្រប់គ្រងការដំឡើងម៉ាស៊ីនមេរបស់អ្នក រួមទាំងកន្លែងដែលម៉ាស៊ីនមេរបស់អ្នកស្ថិតនៅ។ Outline ប្រើប្រាស់បច្ចេកវិទ្យាតម្លាភាព ជាកូដចំហទាំងស្រុង និងត្រូវបានត្រួតពិនិត្យដោយក្រុមហ៊ុនសុវត្ថិភាពពីរ ដើម្បីប្រាកដថា បច្ចេកវិទ្យារបស់វានៅតែជឿនលឿនបំផុត និងមានសុវត្ថិភាព។
ធន់នឹងការទប់ស្កាត់
Outline ធន់នឹងទម្រង់នៃការទប់ស្កាត់មួយចំនួនក្នុងចំណោមទម្រង់នៃការទប់ស្កាត់ដែលស្មុគស្មាញបំផុត រួមទាំងការទប់ស្កាត់ DNS, ខ្លឹមសារ និង IP។ អ្នកប្រើប្រាស់រាយការណ៍ថា Outline ដំណើរការ សូម្បីនៅពេល VPN ពេញនិយមផ្សេងទៀតត្រូវបានទប់ស្កាត់ ឬមិនអាចភ្ជាប់បាន។
មាត្រដ្ឋាន
ចែករំលែកសិទ្ធិចូលប្រើប្រាស់ម៉ាស៊ីនមេ Outline របស់អ្នកបានយ៉ាងងាយស្រួលពី Outline manager។ បង្កើតលេខកូដចូលប្រើប្រាស់ពិសេសពីកម្មវិធី Manager សម្រាប់កុំព្យូទ័រ និងចែករំលែកជាមួយបណ្ដាញដែលអ្នកទុកចិត្តតាមអ៊ីមែល ឬបណ្ដាញសង្គម។ តាមរយៈ Outline អ្នកអាចផ្ដល់ជំនួយដល់អ្នកប្រើប្រាស់រាប់រយនាក់ដោយផ្ដល់សិទ្ធិចូលប្រើប្រាស់ម៉ាស៊ីនមេរបស់អ្នក ឬគ្រាន់តែចែករំលែកសិទ្ធិចូលប្រើប្រាស់ជាមួយមនុស្សដែលជិតដិតនឹងអ្នក។
ការគ្រប់គ្រង
Outline អនុញ្ញាតឱ្យអ្នកគ្រប់គ្រងលើរបៀបដែលអ្នកចូលប្រើប្រាស់អ៊ីនធឺណិតដោយឱ្យអ្នកគ្រប់គ្រងលើម៉ាស៊ីនមេផ្ទាល់ខ្លួនរបស់អ្នក។ វាអនុញ្ញាតឱ្យអ្នកសម្រេចចិត្តលើកន្លែងដែលម៉ាស៊ីនមេរបស់អ្នកស្ថិតនៅ និងមនុស្សដែលមានសិទ្ធិចូលប្រើប្រាស់វា។ Outline Manager អនុញ្ញាតឱ្យអ្នកដាក់ដែនកំណត់ទិន្នន័យសម្រាប់អ្នកប្រើប្រាស់ម្នាក់ៗដែលចូលប្រើប្រាស់ម៉ាស៊ីនមេរបស់អ្នកតាមកម្មវិធីភ្ញៀវ។
ផលិតផលពីរដែលដំណើរការជាមួយគ្នា
Outline រួមមានផលិតផលពីរដែលសុទ្ធតែដំណើរការដោយបច្ចេកវិទ្យាស្នូលទំនើបរបស់យើងតាមរយៈ Outline SDK។
Outline Manager ធ្វើឱ្យការបង្កើតម៉ាស៊ីនមេ VPN ផ្ទាល់ខ្លួនរបស់អ្នកមានភាពងាយស្រួល។ ដំឡើងម៉ាស៊ីនមេផ្ទាល់ខ្លួនរបស់អ្នក និងចែករំលែកលេខកូដចូលប្រើប្រាស់ពីកម្មវិធីកុំព្យូទ័រដោយផ្ទាល់។ Outline Manager អាចប្រើបានលើប្រព័ន្ធកុំព្យូទ័រទាំងអស់។
កម្មវិធីភ្ញៀវសម្រាប់ Outline គឺជាកម្មវិធីសាមញ្ញា និងងាយស្រួលប្រើប្រាស់ដែលអនុញ្ញាតឱ្យអ្នកចែករំលែកសិទ្ធិចូលប្រើប្រាស់ VPN របស់អ្នកជាមួយនរណាក៏បាននៅក្នុងបណ្ដាញរបស់អ្នក។ ទាញយកកម្មវិធីនៅលើឧបករណ៍ចល័ត ឬកុំព្យូទ័រដើម្បីការពារឧបករណ៍ទាំងអស់របស់អ្នក។ ភ្ជាប់ទៅម៉ាស៊ីនមេរបស់អ្នកដោយប្រើប្រាស់លេខកូដចូលប្រើប្រាស់ពិសេសរបស់អ្នក ដែលត្រូវបានបង្កើតដោយ Outline Manager។
រុករកនៅក្នុងបណ្ណាល័យប្រព័ន្ធចម្រុះ និងឈុតឧបករណ៍ដែលប្រើប្រាស់យុទ្ធសាស្រ្តចងបណ្ដាញកម្រិតខ្ពស់របស់ Outline ដើម្បីការពារកម្មវិធី និងឧបករណ៍ VPN របស់អ្នកពីការរំខានកម្រិតបណ្ដាញ។
ចាប់ផ្ដើមអ៊ីនធឺណិតដែលអ្នកអាចទុកចិត្តបាន
Outline ជាកូដចំហ និងត្រូវបានត្រួតពិនិត្យដោយ Radically Open Security (2018, 2022) និង Cure53 (2018, 2024)។
គេហទំព័រ getoutline.me និងប៉ុស្តិ៍ Telegram ដែលពាក់ព័ន្ធ "@OutlineVpnOfficial" មិនជាប់ពាក់ព័ន្ធជាមួយក្រុមការងារ Outline ទេ ហើយយើងមិនអាចជួយអ្នកប្រើប្រាស់ដែលជួបប្រទះបញ្ហាទាក់ទងនឹងលេខកូដចូលប្រើប្រាស់ពីសេវាកម្មទាំងនេះបានទេ។
Outline Manager មិនមានផ្ដល់ជូនលើឧបករណ៍ចល័តទេ។
បច្ចុប្បន្ន Outline Manager មានផ្ដល់ជូនជាកម្មវិធីកុំព្យូទ័រ។ សូមចូលទៅកាន់ getoutline.org ដើម្បីទាញយកតាមកុំព្យូទ័រ។
បិទ