Бұл қалай жұмыс істейді?

Жеке VPN серверін іске қосу және интернет трафигін бақылау

Outline кез келген адамға өзінің жеке VPN серверін жасауын оңайлата отырып, әдеттегі VPN үлгісін жақсартады.

Әдеттегі VPN желілері

Әдеттегі VPN желілері оңай анықталатындықтан, оларды бөгеу де оңай.

VPN желісін пайдаланған кезде, трафик анонимді болады, бірақ танымал VPN желілері пайдаланатын белгілі бір қауіпсіздік протоколдары оңай анықталатын және бөгелетін бірегей криптографиялық қолтаңбаларды қолданады.

Құрылғыңызды әдеттегі VPN желісіне жалғаған кезде, трафигіңіз оңай анықталады. Себебі ұқсас трафик көлемі оны табуды оңайлатып, серверді бөгейді.

Outline

Басқа VPN желілері бөгелген кезде, Outline жұмыс істей береді және ол желі негізінде бөгеу не IP бойынша бөгеу секілді цензураның күрделі үлгілеріне төзімді.

Outline анықтау қиын болатын протоколды пайдалана отырып жасалғандықтан, ол төзімдірек және оны бөгеу оңай емес.

Серверді пайдалану рұқсатын сенімді топпен құпия бөлісіңіз. Серверге адам азырақ қосылса, оны анықтау қиын, ал құпиялылықты сақтау оңай болады.

Outline сіздің құпиялылығыңызды ескере отырып әзірленген.

Ол ешқашан трафигіңізді тіркемейді немесе интернетті қалай пайдаланатыныңызды бақыламайды.

Жеке тұлғалар және ұйымдар Outline-ды қалай пайдаланады?

Серверді пайдалану рұқсатын кез келген адаммен оңай бөлісу

Code for Africa

Code for Africa – Африкадағы ең үлкен азаматтық қоғам ұйымдарының бірі. Аталған ұйым Outline қолданбасын 2016 жылдан бері пайдаланып келеді және қазірде жүздеген пайдаланушы қолдайды. Технологтер мен белсенділерден құралған топ Африканың барлық аймағында цифрлық құрылғыларды үйрету жөніндегі семинарлар өткізеді және өздерінің Outline серверлерін пайдалану рұқсатын ашық интернетті қажет ететін пайдаланушылармен бөліседі. Ұйым жұмысымен осы жерден таныса аласыз.

Толық ақпарат

Ашық кодты бағдарлама технологиясы Outline-ды қажеттіліктеріңізге бейімдейді

nthLink

nthLink – Outline технологиясына негізделген мобильдік қолданба. Бұл — пайдаланушылардың ашық интернетті қауіпсіз қолдануына мүмкіндік береді. nthLink қолданбасы арнаулы өнім тәжірибесін жасау үшін Outline ашық кодты бағдарламасының кодын жоя отырып, өзінің айналып өту қызметін Outline қолданбасының қазіргі тасымалдау компонентімен қатар іске қосады. nthLink қолданбасы Outline-ның күрделі шифрлауына, жылдам байланысқа және пайдаланушыларын қолдау үшін платформааралық мүмкіндіктерге негізделеді. Компания туралы толығырақ ақпаратты осы жерден таба аласыз.

Толық ақпарат

Әдеттегі VPN желілеріне қарағанда пайдалану қауіпсіз және бөгеу қиын

Судандық Омбудсмен

Суданда билікке қарсы көтерілістер белең алғанда, үкімет оларды бәсеңдету және қатысушылардың бір-бірімен және сыртқы әлеммен хабар алмасу мүмкіндігін шектеу мақсатында әлеуметтік желі сайттарын бұғаттап тастады. Өзін Судандық Омбудсмен деп атайтын белсенді Outline-ды пайдаланып, әлеуметтік желілерге кірді және шетелдік журналистермен тілдесті. Басқа VPN желілері істен шыққанда не бұғатталғанда, Судандағы белсенділер көтеріліс және елдегі шынайы жағдай туралы сыртқы әлемге ақпарат тарату және жұртшылық назарын аудару мақсатында Outline-ды пайдаланды.

Іздегеніңіз табылмай жатыр ма?

Қолдау көрсету бетіне өтіңіз.

Outline-ға қатысты сұрақ-жауап

Outline Manager қолданбасы мобильдік құрылғылар үшін қолжетімсіз.

Outline Manager қолданбасын қазірде компьютерде пайдалануға болады. Компьютерге арналған нұсқаны жүктеп алу үшін getoutline.org сайтына өтіңіз.