Magsimula

I-download ang desktop application ng Manager para makapagsimulang mag-set up ng iyong server. Idinisenyo namin ang Outline para magbigay-daan ito sa iyong pamahalaan ang lahat ng tungkol sa server mo, lahat sa iisang lugar. Pumili mula sa listahan ng mga pinagkakatiwalaang cloud provider, o puwede mong gamitin ang sarili mong imprastraktura ng Linux. Maraming cloud provider ang nag-aalok ng mga plan para sa $5USD kada buwan o mas mababa.

Kapag na-download mo na ang Manager, ipa-prompt kang pumili kung saang cloud provider mo gustong patakbuhin ang iyong server. Pumili mula sa ilan sa mga pinakapinagkakatiwalaang provider gaya ng Digital Ocean, AWS, o Google Cloud. Kapag napili mo na ang iyong cloud provider, gagabayan ka ng mga ito sa mga partikular na proseso ng onboarding ng mga ito, pero mapapamahalaan mo ang iyong server mula sa Outline Manager mo.

Nagbibigay-daan sa iyo ang Outline na pumili kung saan ang gusto mong lokasyon para sa iyong server. Iruta ang iyong trapiko sa Singapore, Germany, o sa United States, o sa marami pang iba.

Pagkatapos i-set up ang iyong server, bumuo ng mga natatanging access key nang direkta mula sa desktop application ng Manager. Nagbibigay-daan sa iyo ang Manager na magpadala ng mga imbitasyon para kumonekta sa server mo sa pamamagitan ng iyong gustong platform sa pakikipag-ugnayan. Ang mga access key ang ginagamit para maikonekta mo ang iyong mga device sa Outline Manager at maprotektahan ang mga ito gamit ang server mo. Natatangi ang bawat access key, at direkta itong mapapamahalaan o made-delete sa server. Nagbibigay-daan sa iyo ang mga limitasyon sa data na makontrol kung gaano kalaki ang bandwidth na puwedeng gamitin ng bawat key.

Kasindali ng pagtanggap sa iyong imbitasyon ang pagkonekta sa server mo. Kapag nakakonekta ka na, madali mong mao-on at mao-off ang iyong koneksyon mula sa app.