Hoe dit werk

Bedryf jou eie VPN en neem beheer van jou internetverkeer

Outline verbeter op die tradisionele VPN-model deur dit vir enigiemand maklik te maak om hul eie VPN te skep.

Tradisionele VPN’s

Tradisionele VPN’s is dikwels maklik om te blokkeer omdat hulle maklik is om te bespeur.

Wanneer jy ’n VPN gebruik, is jou verkeer anoniem, maar sekere sekuriteitprotokolle wat deur algemene VPN’s gebruik word, gebruik unieke kriptografiese handtekeninge wat maklik geïdentifiseer en geblokkeer kan word.

Wanneer jy jou toestel aan ’n tradisionele VPN koppel, is dit maklik om jou verkeer te bespeur omdat die volume van soortgelyke verkeer dit maklik maak om die bediener te vind en te blokkeer.

Outline

Outline werk wanneer ander VPN’s geblokkeer is en is bestand teen gesofistikeerde sensorskapmetodes soos netwerkgebaseerde blokkering of IP-blokkering.

Outline is meer bestand omdat dit met ’n protokol gebou is wat ontwerp is om moeilik bespeurbaar te wees en dus moeiliker is om te blokkeer.

Deel privaat toegang tot jou bediener met ’n vertroude groep mense. As minder mense aan jou bediener gekoppel is, is dit moeiliker om dit te bespeur en makliker om privaat te bly.

Outline is gebou met jou privaatheid in gedagte

Dit teken nooit jou verkeer aan nie en speur nooit jou internetgebruik na nie.

Vind uit hoe individue en organisasies Outline gebruik

Deel maklik toegang tot jou bediener met enigiemand

Code for Africa

Code for Africa is een van die grootste burgerlikesamelewingorganisasies in Afrika. Hulle gebruik reeds sedert 2016 Outline en ondersteun tans honderde gebruikers. Die span tegnici en aktiviste hou digitale-opleiding-werkswinkels reg oor Afrika en deel toegang tot hul Outline-bedieners met enigiemand wat toegang tot die oop internet benodig. Kom hier meer te wete oor hul werk.

Kom meer te wete

Oopbrontegnologie maak Outline pasmaakbaar tot jou behoeftes

nthLink

nthLink is ’n mobiele app wat gebou is op Outline se tegnologie waarmee gebruikers veilig by die oop internet kan ingaan. nthLink bedryf hul omseilingdiens en ook Outline se bestaande vervoerkomponent met gebruik van Outline se oopbronkode om ’n gepasmaakte produkervaring te skep. nthLink maak staat op Outline se sterk enkripsie, vinnige verbinding, en kruisplatformvermoëns om hul gebruikers te ondersteun. Kom hier meer te wete oor die maatskappy.

Kom meer te wete

Veiliger om te gebruik en moeiliker om te blokkeer as tradisionele VPN’s

Sudan Ombudsman

Met die uitbreek van wydverspreide opstande in Soedan, het die regering sosialemediawebwerwe geblokkeer in ’n poging om die opstande te laat taan en om betogers te verhoed om met mekaar en met die buitewêreld te kommunikeer. ’n Aktivis, wat homself die Sudan Ombudsman noem, het Outline gebruik om toegang te kry tot sosiale media en om met internasionale joernaliste te kommunikeer. As ander VPN’s gefaal het of geblokkeer is, het sommige aktiviste in Soedan Outline gebruik om inligting oor die opstande met die buitewêreld te deel en om die aandag te vestig op die realiteit van die situasie op grondvlak.

Kry jy nie waarna jy soek nie?

Besoek ons steundiensbladsy.

Gereelde vrae oor Outline

Outline Manager is nie beskikbaar vir mobiele toestelle nie.

Outline Manager is tans beskikbaar as ’n rekenaarapp. Besoek gerus getoutline.org om na ’n rekenaar toe af te laai.